உடம்பொடு உயிரிடை என்னமற் றன்னமடந்தையொடு எம்மிடை நட்பு.
uTampo TuyiriTai ennamaR RannamaTantaiyo TemmiTai naTpu
Amirthavarshini
பொருள் / உரை
முருகா எளிய உரை
இந்த இளம் காதலிக்கும் எனக்குமான காதல் பிணைப்பானது, உடம்போடு கலந்து நிற்கும் உயிருக்கு உள்ள பிரிக்க முடியாத தொடர்பு எத்தன்மையதோ, அத்தகைய இரண்டறக் கலந்த உறவாகும்!
• மடந்தையொடு எம்மிடை நட்பு = இந்த இளம் பெண்ணோடு எனக்கு ஏற்பட்டுள்ள காதல் பிணைப்பானது;• உடம்பொடு உயிரிடை என்ன = உடலுக்கும் உயிருக்கும் இடையே பிரிக்க முடியாத தொடர்பு எத்தகையதோ,• அன்ன = அத்தகைய பிரிக்க முடியாத தன்மை கொண்டதாகும்!
மு.வரதராசன்
இம் மடந்தையோடு எம்மிடையே உள்ள நட்பு முறைகள், உடம்போடு உயிர்க்கு உள்ள தொடர்புகள், எத்தன்மையானவையோ அத்தன்மையானவை.
பரிமேலழகர்
(பிரிவு அச்சம் கூறியது.) உடம்பொடு உயிரிடை என்ன அன்ன - உடம்பொடு உயிரிடை உளவாய நட்புக்கள் எத்தன்மைய? அத்தன்மைய; மடந்தையொடு எம்மிடை நட்பு - இம்மடந்தையோடு எம்மிடை உளவாய நட்புக்கள்.('என்ன'? எனப் பன்மையாற் கூறியது, இரண்டும் தொன்றுதொட்டு வேற்றுமையின்றிக் கலந்து வருதல், இன்பதுன்பங்கள் ஒக்க அனுபவித்தல், இன்றியமையாமை என்றிவற்றை நோக்கி. தெய்வப் புணர்ச்சியாகலான், அதுபொழுது உணர்ச்சியிலள் ஆகியாள் பின் உடையளாமன்றே?ஆயவழி 'இவன் யாவன் கொல்' எனவும், 'என்கண் அன்புடையன்கொல்'? எனவும், 'இன்னும்இவனைத் தலைப்பெய்தல் கூடுங்கொல்'? எனவும் அவள்மனத்தின்கண் நிகழும், அந்நிகழ்வனவற்றைக் குறிப்பான் அறிந்து, அவை தீரக் கூறியவாறு. 'என்னை' என்று பாடம் ஓதுவாரும் உளர்.)
சாலமன் பாப்பையா
என் மனைவிக்கும் எனக்கும் இடையே உள்ள உறவு, உடம்பிற்கும் உயிருக்கும் இடையே எத்தகைய உறவோ அத்தகையது.
Meaning in English
Between this maid and me the friendship kind Is as the bonds that soul and body bind