நன்றி மறப்பது நன்றன்று நன்றல்லதுஅன்றே மறப்பது நன்று.
nanRi maRappatu nanRanRu nanRallatuanRE maRappatu nanRu
Amirthavarshini
பொருள் / உரை
முருகா எளிய உரை
சொல் பொருள் (பதவுரை):• நன்றி மறப்பது = ஒருவர் செய்த நன்மையை மறப்பது• நன்றன்று = அறநெறி (நல்லது) ஆகாது;• நன்றல்லது = அவர் செய்த தீமையை• அன்றே மறப்பது = செய்த அன்றே மறந்துவிடுவது• நன்று = மிகச் சிறந்த நன்மையாகும்.எளிய விளக்கம்:ஒருவர் நமக்குச் செய்த நன்மையை வாழ்நாளில் மறப்பது நல்லதல்ல; அவர் நமக்கு ஏதேனும் தீமை செய்திருந்தால் கூட, அதை அந்த நாளிலேயே மனதிலிருந்து மறந்து மன்னித்து விடுவதே மிகச் சிறந்த அறமாகும்.
மு.வரதராசன்
ஒருவரர்முன்செய்த நன்மையை மறப்பது அறம் அன்று; அவர் செய்த தீமையைச் செய்த அப்பொழுதே மறந்து விடுவது அறம்.
பரிமேலழகர்
நன்றி மறப்பது நன்று அன்று -ஒருவன் முன் செய்த நன்மையை மறப்பது ஒருவற்கு அறன் அன்று; நன்று அல்லது அன்றே மறப்பது நன்று - அவன் செய்த தீமையைச் செய்த பொழுதே மறப்பது அறன். (இரண்டும் ஒருவனாற் செய்யப்பட்ட வழி, மறப்பதும் மறவாததும் வகுத்துக் கூறியவாறு.)
சாலமன் பாப்பையா
ஒருவன் நமக்குச் செய்த உதவியை மறப்பது அறம் அன்று; அவன் செய்த தீமையை அப்போதே மறப்பது அறம்
Meaning in English
'Tis never good to let the thought of good things done thee pass away; Of things not good, 'tis good to rid thy memory that very day