இரப்பான் வெகுளாமை வேண்டும் நிரப்பிடும்பைதானேயும் சாலும் கரி.
irappAn vekuLAmai vENTum nirappiTumpaitAnEyum sAlum kari
DEVADHAI TV
பொருள் / உரை
முருகா எளிய உரை
பிறரிடம் உதவி கேட்டுச் செல்லும் எளியவன், தனக்கு உதவி கிடைக்காத போது கொடுக்காதவர் மீது சினம் கொள்ளக்கூடாது; ஏனெனில், நினைத்த நேரத்தில் பொருள் கைகூடுவது எளிதல்ல என்பதற்குத் தன் சொந்த வறுமைத் துன்பமே அவனுக்கு மிகப்பெரிய சான்றாகும்.
• இரப்பான் = பிறரிடம் உதவி கேட்டுச் செல்பவன், அவர் இல்லை என்று கொடுக்காத போது,• வெகுளாமை வேண்டும் = அவர் மீது கோபம் கொள்ளாமல் இருக்க வேண்டும்;• நிரப்பு இடும்பை தானேயும் = நினைத்த நேரத்தில் பொருள் கிடைப்பது எளிதல்ல என்பதற்குத் தன்னிடம் உள்ள வறுமைத் துன்பமே,• கரி சாலும் = அவனுக்குப் போதுமான சான்றாக இருக்கும்.
மு.வரதராசன்
இரப்பவன் எவரிடத்திலும் சினம் கொள்ளாதிருக்க வேண்டும், அவன் அடைந்துள்ள வறுமைத் துன்பமே அவனுக்கு அறிவு புகட்டும் சான்றாக அமையும்.
பரிமேலழகர்
இரப்பான் வெகுளாமை வேண்டும் - ஈவானுக்குப் பொருள் உதவாவழி இவன் எனக்கு ஈகின்றிலன் என்று அவனை இரப்பான் வெகுளாதொழிதல் வேண்டும்; நிரப்பு இடும்பை தானேயும் கரிசாலும் - அது வேண்டிய பொழுது உதவாது என்பதற்கு வேறு சான்று வேண்டா, நிரப்பாகிய தன் இடும்பை தானேயும் சான்றாதல் அமையும். (யாவர்க்கும் தேடவேண்டுதலும் நிலையின்மையும் முதலிய பிற சான்றும் உண்டு என்பதுபட நின்றமையின், உம்மை எச்ச உம்மை. தனக்கேயன்றி மற்றை யிரந்தார்க்கும் அற்றைக்கன்று பொருள் கடைக்கூட்டற்கு அவனுறும் துன்பத்தைத் தனக்கேயாக வைத்துத் தானுறுந் துன்பம் தான் அறிந்து வெகுளற்க என்பதாம். இதனான் அவர்க்கு இன்றியமையாததோர் இயல்பு கூறப்பட்டது.)
சாலமன் பாப்பையா
பிச்சை ஏற்பவன் அது கிடைக்காதபோது கோபங்கொள்ளக்கூடாது; வேண்டும்பொழுது பொருள் கிடைக்காது என்பதற்கு அவனுக்கு ஏற்பட்டுள்ள துன்பமே போதுமான சான்றாகும்.
Meaning in English
Askers refused from wrath must stand aloof; The plague of poverty itself is ample proof