ஈன்றாள் பசிகாண்பான் ஆயினுஞ் செய்யற்கசான்றோர் பழிக்கும் வினை.
InRAL pasikANpAn Ayinunj seyyaRkasAnROr pazhikkum vinai
Davidson
பொருள் / உரை
முருகா எளிய உரை
தன்னைப் பெற்றெடுத்த தாயே பசியால் துடிப்பதைக் காண நேர்ந்த போதிலும், அந்தப் பசியைப் போக்குவதற்காகக் கூட சான்றோர்களால் இகழப்படும் தீய செயல்களில் ஒருபோதும் ஈடுபடக்கூடாது.
• ஈன்றாள் பசி காண்பான் ஆயினும் = பெற்ற தாய் பசியால் வாடுவதைக் கண்ட போதிலும்,• சான்றோர் பழிக்கும் வினை செய்யற்க = பெரியோர்களால் இகழப்படும் தவறான செயல்களை ஒருபோதும் செய்யக்கூடாது.
மு.வரதராசன்
பெற்ற தாயின் பசியைக் கண்டு வருந்த நேர்ந்தாலும், சான்றோர் பழிப்பதற்குக் காரணமான இழிவுற்றச் செயல்களைச் செய்யக்கூடாது.
பரிமேலழகர்
ஈன்றாள் பசி காண்பான் ஆயினும் - தன்னைப் பயந்தாளது பசியை வறுமையால் கண்டு இரங்கும் தன்மையினான் எனினும்; சான்றோர் பழிக்கும் வினை செய்யற்க - அது சுட்டி அறிவுடையார் பழிக்கும் வினைகளை ஒருவன் செய்யாதொழிக. ('இறந்த மூப்பினராய இருமுதுகுரவரும் கற்புடை மனைவியும் குழவியும் பசியான் வருந்தும் எல்லைக்கண் தீயன பலவுஞ் செய்தாயினும் புறந்தருக' என்னும் அறநூற்பொது விதி, பொருள்நூல் வழி ஒழுகுதலும், அரசர் தொழிற்கு உரியராதலும், நன்கு மதிக்கற்பாடும் உடைய அமைச்சர்க்கு எய்தாமை பற்றி, இவ்வாறு கூறினார். இவை ஐந்து பாட்டானும், 'பாவமும் பழியும் பயக்கும் வினை செய்யற்க' என்பது கூறப்பட்டது.)
சாலமன் பாப்பையா
தன்னைப் பெற்றவனின் பசியைக் காண நேர்ந்தாலும் அதைப் போக்கப் பெருமக்கள் பழிக்கும் செயல்களைச் செய்யாது விடுக.
Meaning in English
Though her that bore thee hung'ring thou behold, no deed Do thou, that men of perfect soul have crime decreed