கல்லா ஒருவன் தகைமை தலைப்பெய்துசொல்லாடச் சோர்வு படும்.
kallA oruvan takaimai talaippeytusollATas sOrvu paTum
Al Rufian
பொருள் / உரை
முருகா எளிய உரை
படிக்காதவன் தன்னைத்தானே மேதையாக எண்ணிக்கொள்ளும் போலி பெருமை, கற்றுத் தேர்ந்த உண்மை அறிஞர்களோடு நேருக்கு நேர் நின்று பேசத் தொடங்கும் போதே பிழைகள் வெளிப்பட்டுச் சுக்குநூறாக உடைந்து போகும்.
• கல்லா ஒருவன் தகைமை = நூல்களைக் கல்லாத ஒருவன் 'நானும் அறிவாளிதான்' என்று பெருமையாகப் பேசிக் கொள்ளும் போலி மதிப்பு,• தலைப்பெய்து = கற்றுத் தேர்ந்த உண்மை அறிஞர்களை நேருக்கு நேர் சந்தித்து• சொல்லாட = உரையாடிப் பேசத் தொடங்கும் அந்த கணத்திலேயே• சோர்வுபடும் = பிழைகள் வெளிப்பட்டு அடியோடு கெட்டு அழிந்துவிடும்.
மு.வரதராசன்
கல்லாதவன் ஒருவன் தன்னைத்தான் மகிழ்ந்து பேசும் மதிப்பு ( கற்றவரிடம்) கூடிபேசும் போது அப்பேசினால் கெடும்.
பரிமேலழகர்
கல்லா ஒருவன் தகைமை - நூல்களைக் கல்லாத ஒருவன் யான் அறிவுடையேன் எனத் தன்னை மதிக்கும் மதிப்பு, தலைப்பெய்து சொல்லாடச் சோர்வுபடும் - அவற்றைக்கற்றவன் கண்டு உரையாடக் கெடும். ('கற்றவன்' என்பது வருவிக்கப்பட்டது. யாதானும் ஓர் வார்த்தை சொல்லும் துணையுமே நிற்பது; சொல்லியவழி வழுப்படுதலின், அழிந்து விடும் என்பதாம். இவை இரண்டு பாட்டானும் கல்லாதாரது இயற்கையறிவின் குற்றம் கூறப்பட்டது.)
சாலமன் பாப்பையா
படித்தவர் முன் பேசினால் படிக்காதவரின் பெருமை குறைந்து போகும்.
Meaning in English
As worthless shows the worth of man unlearned, When council meets, by words he speaks discerned