கரப்பினுங் கையிகந் தொல்லாநின் உண்கண்உரைக்கல் உறுவதொன் றுண்டு.
karappinung kaiyikan tollAnin uNkaNuraikkal uRuvaton RuNTu
Anirudh Ravichander
பொருள் / உரை
முருகா எளிய உரை
நீ எதையும் வெளியில் சொல்லாமல் மனத்திற்குள் மறைக்க நினைத்தாலும், அந்த மறைத்தலுக்கு உட்படாமல் உன் கட்டுப்பாட்டையும் மீறி மை தீட்டிய உன் கண்கள் எனக்குச் சொல்ல விரும்பும் ஒரு ரகசியக் குறிப்பு இருக்கின்றது!
• கரப்பினும் = நீ சொல்லாமல் உள்ளுக்குள் மறைத்து வைக்க நினைத்தாலும்;• கை இகந்து ஒல்லா = அந்த மறைத்தலுக்கு உட்படாமல் உன் கட்டுப்பாட்டைக் கடந்து,• நின் உண்கண் = மை தீட்டிய உன் கண்கள்,• உரைக்கல் உறுவது ஒன்று உண்டு = எனக்குச் சொல்ல விரும்பும் ஒரு ரகசியச் செய்தி இருக்கின்றது!
மு.வரதராசன்
நீ சொல்லாமல் மறைத்தாலும் நிற்காமல் உன்னைக் கடந்து உன்னுடைய கண்கள் எனக்குச் சொல்லக் கூடிய செய்தி ஒன்று இருக்கிறது.
பரிமேலழகர்
(பிரிந்து கூடிய தலைமகன் வேட்கை மிகவினாற் புதுவது பன்னாளும் பாராட்டத் தலைமகள் இது ஒன்று உடைத்து என அஞ்சியவழி, அதனை அவள் குறிப்பான் அறிந்து, அவன் அவட்குச் சொல்லியது.) கரப்பினும் - நீ சொல்லாது மறைத்தாயாயினும்; ஒல்லா கை இகந்து - அதற்கு உடம்படாதே நின்னைக் கை கடந்து; நின் உண்கண் உரைக்கலுறுவது ஒன்று உண்டு - நின்கண்களே எனக்குச் சொல்லல் உறுவதொரு காரியமுண்டாய் இராநின்றது, இனி அதனை நீயே தெளியச் சொல்வாயாக. (காத்தல் - நாணால் அடக்குதல், தன்கண் பிரிதற் குறிப்புள்ளதாகக் கருதி வேறுபட்டாளது வேறுபாடு குறிப்பான் அறிந்து அவட்குத் தன் பிரியாமைக் குறிப்பு அறிவுறுத்தவாறு.)
சாலமன் பாப்பையா
நீ சொல்லாது மறைத்தாலும், மறைக்க உடன்படாமல், உன் மை தீட்டப் பெற்ற கண்களே எனக்குச் சொல்ல விரும்பும் செய்தி ஒன்று உண்டு.
Meaning in English
Thou hid'st it, yet thine eye, disdaining all restraint, Something, I know not, what, would utter of complaint