அனிச்சப்பூக் கால்களையாள் பெய்தாள் நுகப்பிற்குநல்ல படாஅ பறை.
anissappUk kAlkaLaiyAL peytAL nusuppiRkunalla paTAa paRai
Vaibhav Garimella
பொருள் / உரை
முருகா எளிய உரை
தன் மெல்லிய உடலின் மென்மையை எண்ணிப் பாராமல், அனிச்ச மலர்களின் காம்புகளைக் கூடக் கிள்ளாமல் தலையில் சூடிவிட்டாள்; அந்தக் காம்பின் பாரம் தாங்காமல் துவளும் அவளது மெல்லிய இடை ஒடிந்து விடுமோ என்று என் நெஞ்சம் அஞ்சுகிறது!
• அனிச்சப்பூக் கால் களையாள் பெய்தாள் = தன் உடலின் மென்மையை உணராமல், அனிச்ச மலர்களின் காம்புகளை நீக்காமல் தலையில் சூடிவிட்டாள்;• நுசுப்பிற்கு = அதனால் பாரம் தாங்காமல் துவண்டு வருந்தும் அவளது மெல்லிய இடைக்கு,• நல்ல பறை படா = நல்ல மங்கலப் பறைகள் ஒலிக்காது (இடை ஒடிந்து விடுமோ என அஞ்சுகிறேன்).
மு.வரதராசன்
அவள் தன் மென்மை அறியாமல் அனிச்ச மலர்களைக் காம்பு களையாமல் சூடினால், அவற்றால் நொந்து வருத்தும் அவளுடைய இடைக்குப் பறைகள் நல்லனவாய் ஒலியா.
பரிமேலழகர்
(பகற்குறிக்கண் பூ அணி கண்டு சொல்லியது.) அனிச்சப்பூக் கால் களையாள் பெய்தாள் - இவள் தன் மென்மை கருதாது அனிச்சப்பூவை முகிழ் களையாது சூடினாள்; நுசுப்பிற்கு நல்ல பறை படா - இனி இவள் இடைக்கு நல்ல பறைகள் ஒலியா. (அம் 'முகிழ்ப்பாரம் பொறாமையின் இடை முரியும். முரிந்தால், அதற்குச் செத்தார்க்கு உரிய நெய்தற்பறையே படுவது' என்பதாம். மக்கட்கு உரிய சாக்காடும் பறை படுதலும் இலக்கணக் குறிப்பால் நுசுப்பின்மேல் ஏற்றப்பட்டன.)
சாலமன் பாப்பையா
என் மனைவி தன் மென்மையை எண்ணாமல் அனிச்சம்பூவை அதன் காம்பின் அடிப்பகுதியைக் களையாமல் அப்படியே சூடிவிட்டாள். அதனால் நொந்து வருந்தும் இவள் இடுப்பிற்கு நல்ல மங்கல ஒலி இனி ஒலிக்காது.
Meaning in English
The flowers of the sensitive plant as a girdle around her she placed; The stems she forgot to nip off; they 'll weigh down the delicate waist