திருப்புகழ் · 628தவள மதியம் (குன்றக்குடி)thavaLamadhiyam
தனன தனன தனத்தந் ...... தனதான
Nangalappa Sharanam
தவள மதிய மெறிக்குந் ...... தணலாலே
சரச மதனன் விடுக்குங் ...... கணையாலே
கவன மிகவு முரைக்குங் ...... குயிலாலே
கருதி மிகவு மயக்கம் ...... படவோநான்
பவள நிகரு மிதழ்ப்பைங் ...... குறமானின்
பரிய வரையை நிகர்க்குந் ...... தனமேவுந்
திவளு மணிகள் கிடக்குந் ...... திருமார்பா
திகழு மயிலின் மலைக்கண் ...... பெருமாளே.
பத உரைword meanings
- தவள(ம்) மதியம் எறிக்கும் தணலாலே
வெண்ணிறமுள்ள சந்திரன் வீசும் நெருப்பாலும், - சரச மதனன் விடுக்கும் கணையாலே
காமலீலைக்கு இடம் தரும் மன்மதன் செலுத்தும் பாணத்தாலும், - கவன(ம்) மிகவும் உரைக்கும் குயிலாலே
சோகத்தை மிகவும் தெரியப்படுத்தும் குயிலாலும், - கருதி மிகவு(ம்) மயக்கம் படவோ நான்
எனது மனதில் மிகவும் நினைத்து நான் மயக்கத்தை அடையலாமோ? - பவள(ம்) நிகரும் இதழ்ப் பைங் குறமானின்
பவளத்தை ஒத்த வாயிதழை உடைய பச்சை நிறமுள்ள குறத்தியான வள்ளியின் - பரிய வரையை நிகர்க்கும் தனம் மேவும்
பருத்த மலை போன்ற மார்பகங்களின் மீது புரளும் - திவளு(ம்) மணிகள் கிடக்கும் திருமார்பா
ஒளி வீசும் மணி மாலைகள் பொருந்தும் அழகிய மார்பனே, - திகழு(ம்) மயிலின் மலை கண் பெருமாளே.
விளங்குகின்ற மயூரகிரி என்கின்ற குன்றக்குடியில்* வீற்றிருக்கும் பெருமாளே.
குறிப்புகள் · notes
- * குன்றக்குடி ராமநாதபுரம் மாவட்டத்தில் காரைக்குடிக்கு மேற்கே 7 மைலில் உள்ளது.
- இப்பாடல் அகத்துறையில் 'நாயக நாயகி' பாவத்தில் அமைந்தது. புலவர் தம்மையே நாயகியாக எண்ணிப் பாடியது. நிலவு, மன்மதன், பாணங்கள், குயில், முதலியவை தலைவனின் பிரிவை மிகவும் அதிகமாக்கும் பொருட்கள்.
- * KundRakkudi is in RAmanAthapuram District, 7 miles west of KAraikkudi.
- This song is based on the Nayaka-Nayaki Bhavam, where the poet, assuming the heroine's role, expresses the pang of separation from the hero, Murugan. The moonlight, the God of Love Manmathan, His arrows and the cuckoo are a few of the things that aggravate the agony of separation.