திருப்புகழ் · 1303வாரி மீதே (பொதுப்பாடல்கள்)vArimeedhE
தானனா தானன ...... தந்ததான
Thiruppugazh Anbargal
வாரிமீ தேயெழு ...... திங்களாலே
மாரவே ளேவிய ...... அம்பினாலே
பாரெலா மேசிய ...... பண்பினாலே
பாவியே னாவிம ...... யங்கலாமோ
சூரனீள் மார்புதொ ...... ளைந்தவேலா
சோதியே தோகைய ...... மர்ந்தகோவே
மூரிமால் யானைம ...... ணந்தமார்பா
மூவர்தே வாதிகள் ...... தம்பிரானே.
பத உரைword meanings
- வாரிமீதேயெழு திங்களாலே
கடலின் மீது உதிக்கின்ற சந்திரனாலே, - மாரவே ளேவிய அம்பினாலே
மன்மதக் கடவுள் ஏவிய மலர் அம்புகளினாலே, - பாரெலாம் ஏசிய பண்பினாலே
உலகிலுள்ள பெண்களெல்லாம் இகழ்ந்து ஏசிய செய்கையாலே, - பாவியேன் ஆவி மயங்கலாமோ
(உன்னைப் பிரிந்த) பாவம் செய்த தலைவியாகிய நான் உயிர் போகும் நிலைக்கு வந்து மயங்கலாமோ? - சூரனீள் மார்பு தொளைந்த வேலா
சூரனுடைய பெரும் மார்பைத் தொளைத்த வேலனே, - சோதியே தோகையமர்ந்த கோவே
ஜோதியே, மயில் மீது வீற்றிருக்கும் அரசே, - மூரிமால் யானைமணந்தமார்பா
பெருமையும், உன் மீது ஆசையும் கொண்ட தேவயானையை மணந்த திருமார்பா, - மூவர்தேவாதிகள் தம்பிரானே.
மும்மூர்த்திகளுக்கும், தேவாதிகளுக்கும் தலைவனே.
குறிப்புகள் · notes
- இப்பாடல் அகத்துறையில், 'நாயக நாயகி' பாவத்தில் முருகனைப் பிரிந்த தலைவிக்காக பாடியது. கடல், சந்திரன், மன்மதன், மலர்க் கணைகள் - இவை தலைவியின் பிரிவுத்துயரைக் கூட்டுவன.
- This song has been written in the NAyaka-NAyaki BhAva portraying the pangs of separation of the heroine from Lord Murugan. The sea, the moon, Love God, the flowery arrows and the scandal-mongering women are some of the sources which aggravate the agony of separation from the Lord.