திருப்புகழ் · 308ஈனமிகுத்துள பிறவி (ஆறு திருப்பதி)eenamiguththuLapiRavi
தானதனத் தனதனன ...... தனதான
தானதனத் தனதனன ...... தனதான
Thiruppugazh Anbargal
ஈனமிகுத் துளபிறவி ...... யணுகாதே
யானுமுனக் கடிமையென ...... வகையாக
ஞானஅருட் டனையருளி ...... வினைதீர
நாணமகற் றியகருணை ...... புரிவாயே
தானதவத் தினின்மிகுதி ...... பெறுவோனே
சாரதியுத் தமிதுணைவ ...... முருகோனே
ஆனதிருப் பதிகமரு ...... ளிளையோனே
ஆறுதிருப் பதியில்வளர் ...... பெருமாளே.
பத உரைword meanings
- ஈனமிகுத்துள பிறவி யணுகாதே
இழிவு மிகுந்துள்ள பிறப்பு மீண்டும் என்னை அணுகாதபடி, - யானுமுனக்கு அடிமையென வகையாக
நானும் உனக்கு அடிமையாகும் பாக்கியத்தைப் பெற - ஞானஅருள் தனையருளி
மெய்ஞ்ஞான அருளைப் புரிந்து, - வினைதீர
அடியேனது வினைகள் அறவே நீங்க, - நாணம் அகற்றிய கருணை புரிவாயே
(வள்ளியிடம் வெட்கத்தை விட்டு வலியச் சென்று ஆட்கொண்டது போல) நாணத்தை நீக்கி நீயே வந்து கருணை புரிவாயாக. - தானதவத்தினின்மிகுதி பெறுவோனே
அடியார்களின் தானத்திலும் தவத்திலும் மேன்மையான பகுதியைப் பெறுபவனே, - சாரதியுத்தமி துணைவ முருகோனே
சரஸ்வதி தேவியாம் உத்தமியின் சகோதரனே*, முருகனே, - ஆனதிருப் பதிகம் அருள் இளையோனே
திருஞானசம்பந்தராக வந்து பல தேவாரத் திருப்பதிகங்களை அருளிச் செய்த இளம்பூரணனே, - ஆறுதிருப்பதியில் வளர் பெருமாளே.
ஆறு படை வீட்டுத்** திருத்தலங்களில் வளர்கின்ற பெருமாளே.
குறிப்புகள் · notes
- * முருகனுக்கு பிரமன் மாமன் மகனாதலால் மைத்துனன் உறவு. எனவே சரஸ்வதி சகோதரி உறவு.
- ** ஆறு திருப்பதிகள் (படை வீடுகள்): திருப்பரங்குன்றம், திருச்செந்தூர், திருவாவினன்குடி, திருவேரகம், குன்றுதோறாடல், பழமுதிர்ச்சோலை என்பன. இத்தலங்கள் திருமுருகாற்றுப்படையில் கூறப்பட்ட முருகவேளின் ஆறு படை வீடுகள். ஆற்றுப்படை வீடு என்பது ஆறுபடை வீடு என மருவி நின்றது.
- * VaLLi conquered her arrogance by getting rid of egoism and possessiveness. Murugan therefore sought her in an unabashed and compassionate way of His own accord.
- ** BrahmA is the first cousin of Murugan who is the nephew of Vishnu. Saraswathi, BrahmA's consort, thus becomes the sister of Murugan.
- *** Six shrines (fortresses-padaiveedu) of Murugan are as follows: ThirupparangkundRam, ThiruchchendhUr, ThiruvAvinankudi (Pazhani), ThiruvEragam (SwAmimalai), kundRudhORAdal (several mounts) and PazhamuthirsOlai. (as described in ThirumurugAtRuppadai, an ancient literature of the Sangam Age).